Rio Ferdinand៖ ការវាយប្រហារនៅប៉ារីសបានឆក់យកភាពរីករាយ និងសិទ្ធិសេរីភាព ពី Euro 2016
16-November-2015 | ដោយ មួយឡា
អតីតកាពីតែនរបស់ក្រុមជម្រើសជាតិអង់គ្លេស Rio Ferdinand ជឿជាក់ថា ព្រឹត្តិការណ៍វាយប្រហារដ៏រន្ធត់បំផុតនៅទីក្រុងប៉ារីសបានជះឥទ្ធិពល យ៉ាងអាក្រក់បំផុតនៅ European Championships ។ មនុស្សជាង 150 នាក់ត្រូវបានសម្លាប់នៅទីតាំងផ្សេងៗគ្នាជាច្រើនកន្លែងនៅកណ្តាល ទីក្រុងប្រទេសបារាំង។ សូរផ្ទុះគ្រាប់បែកត្រូវបានលឺយ៉ាងខ្លាំងខណៈពេលដែលក្រុមជម្រើសជាតិ បារាំងប្រកួតមិត្តភាពជាមួយនឹងក្រុមជម្រើសជាតិអាឡឺម៉ង់នៅពហុ កីឡាដ្ឋាន Stade de France ។
គ្រាន់តែលឺសូរសំឡេងផ្ទុះភ្លាម អ្នកគាំទ្របានរត់ប្រមូលផ្តុំគ្នានៅក្នុងទីលានបាល់ទាត់។ ក្រោយមក ប៉ូលីសបារាំងបានបញ្ជាក់ថា វាមានការបំផ្ទុះអត្តឃាត និងការបង្កៃគ្រាប់បែកនៅក្បែរពហុកីឡាដ្ឋាននេះ។ Ferdinand ជឿជាក់ថា ការវាយប្រហារនេះពិតជាប៉ះពាល់ខ្លាំងដល់ការប្រកួត Tournament នៅរដូវក្តៅឆ្នាំក្រោយក្នុងប្រទេសបារាំង។ “នៅរដូវក្តៅក្រោយ បារាំងនឹងធ្វើជាម្ចាស់ផ្ទះ European Championship ប៉ុន្តែវាពិតជាលំបាកហើយ។ ការបង្កើនផ្នែកសុវត្ថិភាពនៅមានចង្ងល់នៅឡើយ ពិសេសការបំផ្ទុះគ្រាប់បែកនេះបានយក់យកនូវសិទ្ធិសេរីភាព និងភាពរីករាយពីប្រទេសនេះ។”
យើងមិនមែនជាមនុស្សនោះទេ ប្រសិនបើយើងមិនខ្វល់ខ្វាយពីសុវត្ថិភាពរបស់ខ្លួនយើង ឬកូនៗរបស់យើងនោះ។ ការធ្វើដំណើរឆ្លងប្រទេសវាពិតជាមានកង្វល់ច្រើន ពិសេសគឺភេរវកម្ម។ គួរបញ្ជាក់ផងដែរថា មានជនសង្ស័យម្នាក់បានព្យាយាមយកគ្រាប់បែកចូលក្នុងពហុកីឡាដ្ឋាន Stade de France ប៉ុន្តែដោយសារមានសន្តិសុខជនសង្ស័យបានដើរចេញទៅខាងក្រៅបរិវេណនឹង បំផ្ទុះបណ្តាលឱ្យមនុស្ស ៣ នាក់បានស្លាប់៕
ប្រភព៖ mirror , sportkh
ចំនួនអ្នកទស្សនា
- ថ្ងៃនេះ7681
- ម្សិលមិញ12561
- សប្តាហ៍នេះ35631
- ខែនេះ57511
- ឆ្នាំនេះ57511
- សរុប20499967